Әбҗәлил районында бер көтү ат югалган булган!

Гадел көчеңне салып үстергән бер баш малың югалса да, җаның чыга язар. Ә менә Әбҗәлилдә берьюлы 33 баш ат малы гаеп булып, бар республиканы аякка бастырган. Хужасы белдерүенчә, өердә 18 баш - бер яшьтән, 11 баш ике яшьтән олы, колыны белән өч яшьлек бия, бер баш зур бия һәм бер туры айгыр булган.

Добавить в предпочтительные источники Google

Гадел көчеңне салып үстергән бер баш малың югалса да, җаның чыга язар. Ә менә Әбҗәлилдә берьюлы 33 баш ат малы гаеп булып, бар республиканы аякка бастырган. Хужасы белдерүенчә, өердә 18 баш - бер яшьтән, 11 баш ике яшьтән олы, колыны белән өч яшьлек бия, бер баш зур бия һәм бер туры айгыр булган.

Өернең махсус тамгасы да бар: арткы сул як янбашларында "С", алдан "8" һәм "9" тамгалары басылган.

Хуҗа кеше табышырга ярдәм иткән кешегә сөенчесен дә вәгъдәләгән.

Шушындый эчтәлекле игълан "Бәйләнештә" социаль челтәренең кайбер төркемнәрендә дә дөнья күргән. Күпләр югалган малларны, аларның хуҗасын кызганды, кайсылары киңәшләрен биргән. Аеруча, күктән эзләү өчен дрон файдаланырга дигән тәкъдим эшлекле кебек яңгыраган. Зур көтү тоткач, GPS куярга кирәк, дип тә язган кайберәүләр.

Шулай ук күпләр казаклар куып алып киткәндер дигән фикер дә белдергән. Шуңа күрә Ырымбур далаларыннан эзләп карарга киңәш иткәннәәр. Чыннан да, элекке елларда мондый хәлләр булган, өере белән малларны күрше өлкәләргә куып алып киткәннәр. Калганнар исә мондый өерне башкача көтүчесез чыгарып җибәрмәгез дип белдергән.

Яңылыкны басмага әзерләп бетүгә, Әбҗәлил тарафыннан яхшы хәбәр килде: көтү табылган! Ачыклануынча, ат малы эшкуар Денис Сөендеков булган. Аларны Белорет районы биләмәсендә полиция тапкан, дип яза чыганак.

Хәләл көч белән караган бер баш чебеш тә кадерле. Авыл кешесенең карап торган мал тикле малы югалып көтелмәгән көенечләр килмәсен бер кешегә дә. Моның өчен үзебезгә, терлекләрнең хуҗаларына да уяу булырга кирәк, билгеле.

Фото: "Бәйләнештә

Читайте нас