Ни булды бу Уфага? Әле анда, әле монда җир убыла...

Ике ел элек Уфаның Интернациональная урамында җир убылып, бер машинаны "йоткан" иде. Әле исә, нәкъ шул урында тагын чокыр барлыкка килгән.

Ике ел элек Уфаның Интернациональная урамында җир убылып, бер машинаны "йоткан" иде. Әле исә, нәкъ шул урында тагын чокыр барлыкка килгән.

Бу фотоны "Лада-Калина" автомобиленнән шул урында колак каккан Кирилл Крашенинников социаль челтәргә куйган.

"2016 елның ноябрь ае иде,– дип искә ала Кирилл. - Интернациональная урамының 193/2 санлы йорты янында машинамны калдырып кереп киттем. Башта ул арткы ягы белән күлләвеккә чумган, бераздан машина бөтенләй җир астына төшеп киткән. Табылмады. Җир асты суы аны агызган. Ә бүген шул ук урында янә чокыр хасил булган. Әллә "Калина" кире чыгарга уйлап тиште микән?", — дип шаярып язган ул.

“Бу хәлдән соң "БашНИИстрой" экспертлары якын-тирәдә урнашкан өйләрне тикшергәннәр, андагы грунтны анализга җибәргәннәр. Йортларга җимерелү куркынычы янамый дигәннәр. Ләкин кинәт барлыкка килгән мондый чокырлар күңелгә шом сала бит...” — дип яза “Өмет” гәзите үзенең сайтында.

Йортларга, кешеләргә зыян килмәсен инде...

Читайте нас