Мишкә районында полиция хезмәткәре корт чагудан һәлак булган...

Республикада күңелсез хәлләр теркәлеп кенә тора. Бүген полиция хезмәткәрен бал корты чагып үтерүе турындагы хәбәр күпләрне тетрәндергәндер. Бу хәл Мишкә районында теркәлгән.

Республикада күңелсез хәлләр теркәлеп кенә тора. Бүген полиция хезмәткәрен бал корты чагып үтерүе турындагы хәбәр күпләрне тетрәндергәндер. Бу хәл Мишкә районында теркәлгән.

Якынча мәгълүмат буенча, полиция капитаны Венир Ибатуллин гаиләсе белән Юбайкүл авылына танышларына кунакка бара. Кичен аның муенын берничә бал корты чага. Иргә шунда ук тын алуы авырлаша. Венир Ибатуллинны ашыгыч ярдәм машинасында дәваханәгә илтәләр, әмма табиблар ярдәм итә алмый: полиция хезмәткәре анафилактик шоктан үлә. Мәрхүмнең хатыны һәм өч баласы кала.

Алда ни көтәрен беребез дә күзаллый алмый. Аллергиядән иза чиккән кешеләргә беренче ярдәм таблеткаларын, уколларын үзләре белән йөртергә кирәктер, бәлки...