Фәридә апа куллары тудырган матурлык

Безнең халык кул эшләренә элек-электән һәвәс булган. Соңгы елларда чигү, бәйләү һәм башка төр мавыгуларның яңа формалары таралу ала.

Безнең халык кул эшләренә элек-электән һәвәс булган. Соңгы елларда чигү, бәйләү һәм башка төр мавыгуларның яңа формалары таралу ала.

Сәйтәк авылында гомер итүче йөзьяшәр Фәнүзә әби Хәйдаровага баргач өй стенасында эленеп торган тасмалардан чигеп рамкаларга алынган картиналарны күреп сокландык.

—Апам Фәридә эшли боларны, безгә дә бүләк итә, — диде әниләре янына кайткан гаиләдәге уртанчы кыз Фәрдүнә апа.

Хәйдаровларның өй аллары, йортлары да гел шау чәчәктә. Петуния, яран гөлләренең нинди генә төслесе үсми монда?!

—Аларын да шул ук апа үстерә. Кыш айларыннан үсентеләрен өлгертә, авылдашларга да өләшә. Шуларны карап куаныч табып яши белә. Әни дә гел гөлләр яратты безнең, бу яклап апабыз гел әнигә охшаган, — дип аңлатты Фәрдүнә апа.