Вахтовик Надымнан Башкортстанга җәяүләп кайтырга мәҗбүр булган

Эш бирүче хезмәт хакы түләмәгәч, кайтыр юлга акчасы булмаганлыктан вахтовик Надымнан җәяүләп Башкортстанга кайтырга чыккан.

Күңелсез нотадагы шушы хәл турында „Кызыл таң” үзенең сайтында хәбәр итә.

Кыен хәлдә калучының кайсы, район шәһәрдә яшәве турында бәян ителмәгән.

Фәнис Баһаветдинов Ямал-Ненец округында вахта ысулы белән эшләгән. Эш бирүче хезмәт хакы түләмәгәч, аның кайтыр юлга акчасы булмаган.

- Җәяү кайтып киләм, юлда очрасагыз, туктап утыртыгыз, ак кроссовкада һәм күлмәк, джинсы чалбардамын, - дип язган ул социаль челтәрләрдә.

Бара торгач, ул аяксыз калган, чөнки полиартрит белән чирләгән булган. "Ашыгыч ярдәм" хезмәте дәваханәгә алып килгәч, туганнарына хәбәр иткәннәр. Алары юллык акча салып, Фәнисне Башкортстанга кайтарткан, дип яза чыганак. .

Читайте нас