Балтач районы юлларында “Хосусыйчы” операциясе үтәчәк

14—25 май көннәрендә республикада һәм районда “Хосусыйсы” ункөнлеге үтәчәк.

Башкортстан Республикасы Дәүләт техник күзәтчелеге инспекциясенең 23 апрельдәге 126 санлы боерыгына ярашлы, үзйөрешле машиналар һәм башка төр техниканың, шулай ук аларның тагылмаларын файдалану барышында кимчелекләрне кисәтү максатында, 14—25 май көннәрендә республикада һәм районда “Хосусыйсы” ункөнлеге үтәчәк.

Ункөнлек барышында, билгеләнгән маршрутлар буенча, берлектәге рейдлар оештыру күз уңында тотыла. Шулай ук тракторларны дәүләт техник күзәтчелеге инспекциясендә исәпкә куймый, техникага карау үткәртеп, махсус талон алмый торып аны файдалану фактларын ачыклауга аерым игътибар бүленәчәк.

Төзек, дәүләт техник күзәтчелегендә карау үткән трактор, тагылмаларны гына файдаланырга рөхсәт ителә. Механизаторның тракторчы машинист таныклыгы, үзйөрешле машинаның һәм аның документлары, ОСАГО полисы үзе белән булырга тиеш. Болар үтәлмәгән очракта штраф түләргә туры килүе ихтимал.

Читайте нас