Башкортстан киңлекләрендә иртәгә дә буран көтелә

"Башгидромет” иртәгә дә, урыны белән, буран булачагы турында искәртә.

Юлларда кар көртләре салуы ихтимал. Бозлавык. Җил көньяк-көнбатыштан. Секундына 9-14 метр тизлектә исә. Көчәйгәндә җилнең тизлеге секндына 20 метрга кадәр җитәчәк. Төнлә аеруча көчле явым-төшем көтелә. Юлларда күз күреме 500 метрга кадәр начарланачак. Һава температурасы төнлә -5, көндез -9 градус.

Башкортстан Республикасы Гадәттән тыш хәлләр эшләре идарәлеге юлларда водительләрне һәм җәяүлеләрне игътибарлы булырга чакыра.