Балтач таңнары
-12 °С
Болытлы
Барлык яңалыклар
Tөрлесеннән
27 ноябрь 2017, 00:29

Ана көненә бүләк ясап

Иске Балтачтан Илшат Исмәгыйлов Ана көнендә -- әнисе Римага алтыннан кыммәт бүләк ясады.

Бүген Ана көне. Ана өчен баласы уңышларына сөенүдән дә зуррак куаныч юктыр, мөгаен.


Иске Балтачтан Илшат Исмәгыйлов бәйрәм көнендә әнисе Римага алтыннан кыммәт бүләк ясады.


Гаскәри бурычын үтәп, Илшат бүген туган өенә кайтып керде. Әнисе -Рима, әтисе-Әгъләм никадәр куаныч кичерде бәйрәм көнендә. Көткән кеше өчен сәгать тә бик озак үткән сыман. Хезмәт срогы бер хәл. Алты тәүлек вакытын юлда үткәргән Илшатны көтеп алулар гына да ни тора бит!


Исмәгыйловларның төпчек уллары Илшат , Уфа шәһәре юридик көллиятен тәмамлаганнан соң былтыр шушы көннәрдә хәрби хезмәткә алынган иде. Уссурийск шәһәрендә, автомобиль гаскәрләренә караган хәрби частьләрнең берсендә хезмәт юлын үтеп, Илшат Исмәгыйлов кече сержант дәрәҗәсендә запастагылар сафына басты.