Башкортстанда бу көннәрдә Кырым төбәгенә хас һава шартлары тора

Бу вакытта инде елга, күлләрне боз тота иде. Быел сулыклар өстендә кәгазь калынлыгы да боз юк әле.

Башкортстанда бу көннәрдә һава температурасы гадәттәгедән җылырак, дип хәбәр итә Башгидрометеорология үзәге.

Безнең республика җирлегендә әле Кырым төбәгенә хас һава шартлары тора. Ә менә Кырымда һава температурасы гадәттәгедән салкынрак икән. Бу көннәрдә Кырымның көньягында термометрлар +5,+6 градустан югары күтәрелми.

Башкортстанда, әлбәттә, салкынрак. Гисметео сайты мәгълүматларына караганда, Безнең төбәктә төнлә -2,-1 градуска кадәр салкынайта. Көндез термометр күрсәткечләре +2,+1 градус чикләрендә булачак.

Бу вакытта инде елга, күлләрне боз тота иде. Быел сулыклар өстендә кәгазь калынлыгы да боз юк әле. Сулыкларда хәтта көтүе белән кыр үрдәкләре күрергә мөмкин. Атна ахыры, киләсе атна башыннан һава шартлары салкынайтуга табан юл тотачак.

Читайте нас

Редакцияне сайлау