Барлык яңалыклар
Tөрлесеннән
13 октябрь 2017, 11:06

„Әбиләр чуагы” озак дәвам итәрме?

Җылы һава шартлары башкортстанлыларны инде атна дәвамында сөендерә. Башкортстанга “әбиләр чуагы”ның икенче дулкыны килде.

Җылы һава шартлары башкортстанлыларны инде атна дәвамында сөендерә. Башкортстанга “әбиләр чуагы”ның икенче дулкыны килде.


Республика гидрометеорология үзәге белгечләре билгеләвенчә, бу октябрь ае өчен сирәк күренеш түгел. 2007, 2008, 2009 елларда да октябрь уртасы җылы көннәре белән сөендергән булган. Ул елларда һава температурасының уртача айлык нормадан 2-3 градуска югары күтәрелүе күзәтелгән. Ләкин быелгы температура октябрьның абсолют максимумы дәрәҗәсенә җитә алмаган әле.


Синоптиклар фаразлавынча, “әбиләр чуагы”ның икенче дулкыны киләсеп атнада тәмамланачак. 18 октябрьдан соң төбәккә дәвамлы яңгырлар килә. Җепшек кар да явачак. Ә тотрыклы кар катламы 4-8 ноябрь көннәрендә җиргә ятарга тиеш.



Чыганак: "Башинформ".
Читайте нас в