Хезмәттәшебез Агыйдел елгасыннан өч килограмм авырлыктагы ак опты тоткан

Хезмәттәшебез Радим Дәүләтов узган атнаның ял көннәрен уңышлы үткәргән.

Балык каптыру —“Балтач таңнары” гәзите редакциясенең версткалау инженеры Радим Дәүләтовның иң яраткан шөгыле. Ял көннәрен ел әйләнәсенә диярлек елга, күлләр буенда үткәрә. Үзе яшь булса да, Радим инде тәҗрибәле балыкчылар исәбендә. Балык каптыру ягыннан кайчак “каешланган” узаманнарны да уздыра.

Кичә Радим ял сәгатьләрен, абыйсы Ленар белән, Агыйдел елгасы буйларында үткәргән. Ерак ара үтеп балыкка баручылар елга буеннан тотымысз кайтмаган. Балыкның да ниндирәкләре капкан бит үзләренә!

Радимның бер ак оптысы гына да үлчәүдә өч кило тарткан.

—Ә менә фотога өйгә кайткач кына төштем ,—ди Радим, балык каптырганда алган тәэссоратлары белән уртаклашып.