Булдырасыз, егетләр!

Узган ялларда Уфа шәһәрендә тайланд боксы буенча Башкортстан Республикасының “Көзге каникуллар” ачык турниры узды.

Безнең районны ярышларда "Яшьлек" физкультура-савыктыру комплексы тәрбияләнүчеләре тәкъдим итте һәм бик яхшы нәтиҗәләр күрсәтте.

Үз авырлык категорияләрендә Даян Исламов, Нурлан Фәтхуллин, Илназ Сәетгалиев, Денис  Глимҗанов, Айдар Галимов, Данил Акбиров – 1нче урын, Даниил Шакиров, Тимур Низамов, Искәндәр Нәбиев, Данир Хәсәнов – 2нче урын, Айрат Хәйруллин, Илнур Рәхимҗанов, Рәсүл Сәлимовлар  3нче урынны яуладылар.

Гомум нәтиҗәдә Балтач районы командасы  3нче урынны яулады.

Бәйгегә яшь спортчыларны лаеклы әзерләгәне өчен тренер Евгений Вениамин улына, ә тәрбияләнүчеләргә яхшы нәтиҗәләр күрсәтеп, районыбыз данын уңышлы яклаганнары өчен рәхмәт!