Балтачлылар лапта буенча ярышларда да сынатмадылар

Лапта – борынгы уен төрләренең берсе. Соңгы елларда әлеге уенга игътибарның артуы аның электән үк популяр булуы турында искәртеп тора. Лапта уйнар өчен бик күп сыйфатларга ия булырга кирәк. Тапкыр, үҗәт, тиз йөгерүчән, игътибарлы, күзе яхшы күргән, хәрәкәтчән кеше генә лапта уйнарга сәләтле.

Шушы көннәрдә  Калтасы авылында 2005нче елда туган яшүсмерләр  арасында   Башкортстан Республикасы мәктәп укучыларының XXIV Спартакиадасы исәбенә  “Мини-лапта” буенча зона ярышлары узды.  

Кызлар арасында үткән ярышларда да, малайлар арасында үткән бәйгедә дә балтачлылар призлы урында. Ике команда да өченче урыннарны  яулады.