Башкортстан биатлончысы Эдуард Латыйпов Пекинда барган Олимпиадада медаль яулады

Катнаш эстафетада Кристина Резцова, Ульяна Нигмәтуллина, Александр Логинов һәм Эдуард Латыйпов бронза медаль алды.

Эстафетаны Латыйпов тәмамлады. Ул, эстафетаны Александр Логиновтан кабул итеп, үзенең этабында беренче булып китте. Ату бәйгеләрен яхшы башкарып чыкты, ләкин финишка җитәм дигәндә, ни кызганыч, Норвегия һәм Франция спортчылары аны үтеп китте. Әмма бронза да – зур көч белән яуланган җиңү.

Эдуард Латыйпов – Башкортстанның биатлон мәктәбе тәрбияләнүчесе. Ул Русиянең атказанган тренеры Никитин Виктор Анатольевичта дәресләр алган.

Русия җыелма командасы өчен беренче көмеш медальне Наталья Непряева скиатлонда яулады.