Балтач районы хоккейчылары зона ярышларында дүрт команданы җиңеп финалга чыкты!

Бүген, 5 февраль көнне, Балтач районының хоккей командасы Калтасы районының Кызыл Холм авылында Авыл уеннары исәбенә хоккей буенча зона уеннарында катнашты.

Ярышларда балтачлылардан тыш, Борай, Калтасы, Караидел, Тәтешле районнарыннан хоккейчылар командалары көч сынашты. Беренче уенда 2-3 исәбе белән, Балтач районы хоккейчылары Борайлыларны җиңде. Чираттагы уен да балтачлылар файдасына тәмамланды. Тәтешле районы командасын райондашларыбыз 6-0 исәбе белән җиңде.

Алдагы ике уенда да балтачлыларга уңыш елмайды. Караиделләрне — 3-1,  калтасыларны 6-0 исәбе белән җиңеп Балтач районы хоккейчылары финалга чыкты.

Афәрин, егетләр! Булдырдыгыз! Финал ярышларында да сынатмагыз!