Спорт сөючеләргә – куанычлы хәбәр

27нче майда "Яшьлек" физкультура-савыктыру комплексы территориясендә «Хезмәткә һәм оборонага әзер» нормаларын тапшыру комплексының кече спорт мәйданчыгын урнаштыру һәм монтажлау эшләре төгәлләнде.

Районыбызның сәламәт яшәү рәвешен үз итүчеләре өчен куанычлы хәбәр, 27нче майда "Яшьлек" физкультура-савыктыру комплексы территориясендә «Хезмәткә һәм оборонага әзер» нормаларын тапшыру комплексының кече спорт мәйданчыгын урнаштыру һәм монтажлау эшләре төгәлләнде. Мәйданчык махсус өслек белән капланган. Анда төрле тренажерлар, эскәмияләр, күнегүләр ясау өчен махсус урыннар белән заманча җиһазландырылган. Шулай ук анда өстәл теннисы өчен мәйданчык һәм башкалар урнаштырылган.

Яңа мәйданчык теләге булган һәр кешегә үзләрен яхшы формада тотарга мөмкинлек бирәчәк. Сәламәт яшәү рәвешенең төп шартларының берсе булып хәрәкәт активлыгы тора. Барлык спорт сөючеләрне дә чикләү чараларыннан соң көтеп калабыз.