Чыгарылыш сыйныф укучыларына аерымлык билгеләре тапшырылды

Бүген, 1нче июньдә Иске Балтач авылында чыгарылыш сыйныф укучыларына «Хезмәткә һәм оборонага әзер» комплексы нормаларын тапшыру буенча аерымлык билгеләре таратылды.

«Хезмәткә һәм оборонага әзер» комплексы нормаларын тапшыру күптән үзенең торышын, ихтыяҗын һәм нәтиҗәлелеген исбатлады. Яшь буында сәламәт яшәү рәвеше культурасын формалаштыру, үз физик мөмкинлекләрен камилләштерүгә һәм спорт белән шөгыльләнү аша сәламәтлекне ныгыту мәсьәләләре һәрвакыт актуаль.

Бүген, 1нче июньдә Иске Балтач авылында чыгарылыш сыйныф укучыларына «Хезмәткә һәм оборонага әзер» комплексы нормаларын тапшыру буенча аерымлык билгеләре таратылды. Чара барышында барлык санитар-эпидемиологик (профилактик) чаралар да үтәлде. Кызганычка каршы, пандемия белән бәйле рәвештә, быел тантаналы шартларда ГТОның аерымлык билгеләрен тапшырып булмады.

ГТО бүген - укучының физик үсеш дәрәҗәсен объектив бәяләргә мөмкинлек бирә. Безнең ил гражданнарының сәламәтлеген ныгыту максатыннан оештырылган «Хезмәткә һәм оборонага әзер» комплексы нормаларын тапшыру өлкәннәр һәм балалар арасында киң таралу алды. Барыгызга да үз сәламәтлегезгә битараф булмыйча, ГТО нормативларын тапшыруда катнашырга киңәш итәм.