+13 °С
Болытлы
Барлык яңалыклар
Спорт
24 февраль 2019, 11:42
Балтач “баһадиры” Айгиз Хәйдаршин республика чемпионатында җиңү яулаган
Балтач балалар һәм үсмерләр спорт мәктәбе "баһадиры" Айгиз Хәйдаршин Кичә Стәрлетамакта узган республика чемионатында Гер спорты мастерына кандидат минимумын яклаган.
Балтач балалар һәм үсмерләр спорт мәктәбендә шөгыльләнүчеләр тренерларын һәм райондашларын әледән-әле уңышлары белән сөендереп тора. Тренер Ильяс Шәймөхәмәтов җитәкчелегендә гер спорты белән шөгыльләнгән үсмер спортчылар аеруча яхшы нәтиҗәләр күрсәтә.
Кичә Стәрлетамакта узган Гер спорты буенча республика чемионаты нәтиҗәләре мәктәпнең һәм спортчыларның быелгы казанышлары җыелмасын тагын бер уңыш белән тулыландырды.
Айгиз Хәйдаршин шушы бәйгедә үз категориясендәге спортчылар арасында җиңүчеләрнең берсе. Ике герне бергә иң күп чөйгән чемпионнан бик аз гына калышкан Айгиз пьедесталның икенче баскычына күтәрелеп көмеш медаль белән бүләкләгән. Ватанны саклаучы көнендә спортчының райондашларына иң зур бүләге дип кабул итәргә кирәк моны.
—Максатыма ирешүемә шатмын. Республика күләмендәге ярышта икенче урын яулау минем өчен зур казаныш. Тагын да дәртләнебрәк, инде югарырак нәтиҗәгә ирешергә тырышу өчен этәргеч булыр бу уңышым. Җиңүдән соң кичергән хисләремне сүз белән генә аңлатырлык түгел, —дип уртаклашкан Айгиз.
“Баһадирның” уңышы республика чемпионатында икенче урын яулау белән генә чикләнми әле. Кичә узган бәйгедә Айгиз Хәйдаршин гер спорты буенча спорт мастерына кандидат минимумын да яклаган.
Спортчыны һәм аның тренерын бу уңышлары белән ихлас тәбрик итәбез. Район “спорт күге”ндә яңа йолдызлар тагын да калка торсын!
Читайте нас:
© 2024 Сайт газеты «Балтач таннары» . Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом «Республика Башкортостан».
Новости Балтачевского района
Балтач районы яңалыклары
Балтас районы яңылыҡтары
Новости Балтачевского района Республики Башкортостан
Башкортстан Республикасы Балтач районы яңалыклары
Новости Республики Башкортостан
Башҡортостан Республикаһы яңылыҡтары
Башкортстан Республикасы яңалыклары
Балтач районын увер
Телефон
(34753)20112
Электрон почта
Адресы
РБ. Балтачевский район. с.Старобалтачево. ул. Комсомольская 2.
Реклама хезмәте
(34753)21571
Редакция
(34753)21154
Хезмәттәшлек
(34753)21877
Кадрлар бүлеге
(34753)21571