-5 °С
Болытлы
Барлык яңалыклар
Спорт
1 февраль 2019, 16:59
Балтач егете республика җыелма командасына чакырылган
Иске Балтачтан Раил Шәйнуров Вологда өлкәсе Майский һәм Рубцовск поселоклары боз ареналарында узачак Яшь хоккейчыларны берләштергән Анатолий Тарасов исемендәге “Алтын алка” клубының Бөтенрусия финал ярышларында катнаша
7-14 февраль көннәрендә Вологда өлкәсе Майский һәм Рубцовск поселоклары боз ареналарында Яшь хоккейчыларны берләштергән Анатолий Тарасов исемендәге “Алтын алка” клубының Бөтенрусия ярышларының финалы үтәчәк. Турнирның республика этабы тәмам. Җиңүче күптән түгел Раевкада узган ярышларда билгеле булды. Анда безнең районның 2006-2007 елларда туган малайларны берәштергән “Танып” хоккей командласы дүртенче урын алган иде.
Балтачлылар “Алтын алка” да елның-елында катнаша. Узган елда “Танып” командасы капкачысы Раил Шәйнуров ярышларның республика этабында иң яхшы капкачы буларак танылган иде. Быелгы турнир барышында да ул яхшы уен күрсәткән. Шуңа аны “Алтын алка”ның Вологда өлкәсендә узачак финал ярышларындла катнашачак Башкортстан Республикасы җыелма командасы составына керткәннәр.
—Раил командада беренче санлы капкачы булырмы, бәлки ул запас уенчы сыйфатында чакырылгандыр. Эш анда түгел. Иң мөһиме—ул республика командасы составында. Анда Балтач районы егете дә булуы безнең өчен зур горурлык, — ди “Танып” хоккей клубы җитәкчесе Алмаз Абдуллин, раввйонда хоккей спорты үсеш ала баруына горурлык хисләрен белдереп.
Раил хоккей белән бала чагыннан ук дус. Балтач районының Балалар хоккей лигасы республика чемпионатында уйнаган командада ул төп капкачы. Әлеге вакытта Раил Шәйнуров Иске Балтач икенче санлы урта мәктәбенең 7А сыйныфында белем ала.
—Хоккей минем өчен бердәмлек үрнәге. Спортта нәтиҗә җиңел генә килми, ләкин мин хоккейны ташламаячакмын. Командамны бик яратам,—ди Раил Шәйнуров хоккейдан аерылмаячагын белдереп.
(Фото редакция архивыннан)
Читайте нас:
Редакцияне сайлау
© 2024 Сайт газеты «Балтач таннары» . Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом «Республика Башкортостан».
Новости Балтачевского района
Балтач районы яңалыклары
Балтас районы яңылыҡтары
Новости Балтачевского района Республики Башкортостан
Башкортстан Республикасы Балтач районы яңалыклары
Новости Республики Башкортостан
Башҡортостан Республикаһы яңылыҡтары
Башкортстан Республикасы яңалыклары
Балтач районын увер
Телефон
(34753)20112
Электрон почта
Адресы
РБ. Балтачевский район. с.Старобалтачево. ул. Комсомольская 2.
Реклама хезмәте
(34753)21571
Редакция
(34753)21154
Хезмәттәшлек
(34753)21877
Кадрлар бүлеге
(34753)21571