Путинның пенсияләрне индексацияләү буенча позициясе көчендә кала

Президент пресс-секретаре Песков: Путинның пенсияләрне индексацияләү буенча позициясе үз көчендә кала.

Бу хакта Россия лидеры матбугат секретаре Дмитрий Песков журналистларга белдергән.

Элегрәк матбугат конференциясендә Владимир Путин Хөкүмәт пенсияләрне инфляция дәрәҗәсеннән дә түбән булмаган күләмдә индексацияләргә тиеш, дип белдергән иде.

"Бу Путинның пенсияләрне индексацияләүгә карата позициясе < ... > ул, һичшиксез, үз көчендә кала, үз актуальлеген саклап кала. Бу ни рәвешле эшләнәчәк, якын арада билгеле булыр дип өметләнәбез", — диде Песков, президент пенсияләрне өстәмә индексацияләү өчен төзәтмәләр кертергә яки бу бурычны хөкүмәткә йөкләргә планлаштырамы, дигән сорауга җавап биреп.

Фото: Официальный сайт Кремля