Иске Балтачның Якутов урамындагы авария хәлендәге йортта яшәүчеләр Илгиз Субушев белән очрашкан

Кичә район Хакимияте башлыгы Илгиз Субушев Иске Балтачның Якутов урамындагы 16 санлы авария хәлендәге күпфатирлы йортта яшәүчеләр белән очрашу үткәргән.

Кичә район Хакимияте башлыгы Илгиз Субушев Иске Балтачның Якутов урамындагы 16 санлы авария хәлендәге күпфатирлы йортта яшәүчеләр белән очрашу үткәргән.

Гражданнарны авария хәлендәге торактан күчерү буенча кабул ителгән адреслы программага ярашлы яңа фатирларны 2020нче ел ахырына төзеп бетерү планлаштырыла. Әмма төзүче оешма барлык эшләрне 2019 ел ахырына төгәлләүне вәгъдә итә.

Нәтиҗәдә авария хәлендәге йортта яшәүчеләр район үзәге Иске Балтачның Гагарин урамындагы 4,5 санлы йортларындагы бар уңайлыклары булган фатирларга ия булачак. Әлеге вакытта ике яңа йорт тергезелгән, анда эчке эшләр һәм инженерлык коммуникацияләргә ялгыйсы калган.

—Яңа торакның кайбер хуҗалары төзелеш эшләре барышы белән танышты, бүлмәләрнең иркенлеген һәм мәйданнарның белдерелгән нормативларга җавап бирүен бәяләде, — дип яза Илгиз Әхвәс улы үзенең социаль челтәрләрдәге битендә.