Иске Балтач авылының “Көнбатыш” микрорайонында газүткәргеч сафка кертелде

Бүген Иске Балтач авылының “Көнбатыш” микрорайонында тантаналы шартларда газүткәргеч ачылды.

Районны табигый газга күчерү юнәлешендә алып барылган зур проектның дәвамы бу. Объектның гомум бәясе 21 миллион сумнан артык. Бу яңа микрорайонда 600гә якын йортны газ ягулыгына ялгау мөмкинлеге бирәчәк.

Тантанада катнашкан район Хакимияте башлыгы Илгиз Әхвәс улы белдерүенчә, бүген Иске Балтач авылы 93 процент газлаштырылган. Шул ук көнне яңа микрорайондагы бер йортка газ ягулыгы бирелде. Газүткәргечне төзүдә зур ярдәм күрсәткән кешеләргә, тантанада катнашкан чикләнгән җаваплылыктагы “Газпром трансгаз Уфа” җәмгыятенең генеральный директоры Шамил Шәрипов, Бөре шәһәрендәге “Газпром газораспределение Уфа” филиалы баш инженеры Валерий Байгазов, чикләнгән җаваплылыктагы “Благгазстрой” җәмгыяте директоры Фәнил Халиковка Илгиз Әхвәс улы рәхмәт сүзләре җиткерде.

Аида ХӘЙРТДИНОВА.