„Ана даны” медале белән бүләкләнгән 45 гүзәл зат вәкиле арасында ике балтачлы да бар!

Башкортстан Республикасы Башлыгының Указына ярашлы, 14 сентябрь көнне республика Хөкүмәтендә күп балалы аналарга „Ана даны” медале тапшыру тантанасы үтте.

Башкортстан Республикасы Башлыгының Указына ярашлы, 14 сентябрь көнне республика Хөкүмәтендә күп балалы аналарга „Ана даны” медале тапшыру тантанасы үтте.

Бу көнне бүләкләнгән 45 гүзәл зат арасында ике балтачлыны күрү үзе бер горурлык.

Медальләрне республика Гаилә, хезмәт һәм халыкны социаль яклау министры Ленара Иванова тапшырды. Богдан авылыннан биш бала анасы, Иске Тимкә урта мәктәбенең башлангыч сыйныфлар укытучысы Ләйсән Рим кызы Саяпова (рәсемдә) зур сөенеч белән кабул итте бу зур бүләкне.

Ә икенче героебыз, Иске Тимкә авылында гомер итүче Лилия Гатифҗан кызы Шәңгәрәева, алтынчы сабые дөньяга килү сәбәпле, бала тудыру бүлегендә калып, тантанада катнаша алмады. Шәңгәрәевлар гаиләсендә биш малай һәм бер кыз тәрбияләнә хәзер.

Бүләкләнүчеләрне ихлас котлыйбыз!