+16 °С
Болытлы
Барлык яңалыклар
Социаль өлкә
16 август 2018, 18:04
Балтач районы җитәкчелеге Югары Карыш авылындагы социаль приютка хәйрия ярдәме күрсәтте
Бүген Балтач һәм Мишкә районнары авылларыннан җыелган 14 бала тәрбияләнгән Югары Карыш авылындагы социаль приют тормышында янә бер истәлекле вакыйга шаһитлары булырга туры килде.
Бүген Балтач һәм Мишкә районнары авылларыннан җыелган 14 бала тәрбияләнгән Югары Карыш авылындагы социаль приют тормышында янә бер истәлекле вакыйга шаһитлары булырга туры килде.
Бирегә район Хакимияте башлыгы Илгиз Субушев җитәкчелегендә район Хакимияте вәкилләре хәйрия ярдәме күрсәтеп, балалар һәм үсмерләрнең куанычын арттырды.
—Җәй башында бер чарада катнашканда без сезгә кабат килергә вәгъдә биреп таралышкан идек. Сүзебездә тордык, менә кабат очраштык. Сезгә тагын да яхшырак уңайлыклар булдыру максатыннан стенка бүләк иттек, татлы күчтәнәчләр алып килдек. Тырышып укыгыз, тәрбиячеләрне тыңлагыз, җәмгыятькә файда китерә торган кешеләр булып үсегез, — диде Илгиз Әхвәс улы балаларга мөрәҗәгать итеп. Һәм кунаклар һәр балага татлы күчтәнәчләр өләштеләр.
Балалар, үз чиратында хор белән рәхмәт белдерделәр, приюттагы тормышлары — түгәрәкләрдә шөгыльләнүләре, велосипедта йөрүләре, тәрбияче апаларына ярдәм итүләре турында хәбәрләрен уртаклаштылар, үз куллары белән эшләгән бүләкләрен тапшырдылар.
—Безгә мондый хәйрия ярдәме бик урынлы. Без бик шат. Стенкалы булу балаларның күптәнге хыялы иде. Аның үлчәмнәрен, сызымнарын үзебез заказ биреп эшләттек. Ял бүлмәсенә урнаштырдык. Бүлмә тагын да күркәмләнеп китте. Балалар көннәрен шушы бүлмәдә үткәрәләр. Бәйрәмнәр, төрле чараларга шушында җыелабыз, бу безгә зур бүләк, рәхмәт барыгызга да! — диде приют мөдире Ләйсән Бәдриева.
Хушлашыр алдыннан Илгиз Әхвәс улы янә балаларга мөрәҗәгать итеп нинди мохтаҗлыкларыбулуы турында кызыксынды.
—Безгә берни дә кирәк түгел, — диде сагыш тулы карашлы кыз һәм малайлар.
Биредә барлык шартлар да булдырылган. Бала күңеле сусаган ата-ана назын, алар җылысын башка бер нәрсә дә алыштыра алмый, күрәсең...
Аида ХӘЙРТДИНОВА.
Читайте нас:
© 2024 Сайт газеты «Балтач таннары» . Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом «Республика Башкортостан».
Новости Балтачевского района
Балтач районы яңалыклары
Балтас районы яңылыҡтары
Новости Балтачевского района Республики Башкортостан
Башкортстан Республикасы Балтач районы яңалыклары
Новости Республики Башкортостан
Башҡортостан Республикаһы яңылыҡтары
Башкортстан Республикасы яңалыклары
Балтач районын увер
Телефон
(34753)20112
Электрон почта
Адресы
РБ. Балтачевский район. с.Старобалтачево. ул. Комсомольская 2.
Реклама хезмәте
(34753)21571
Редакция
(34753)21154
Хезмәттәшлек
(34753)21877
Кадрлар бүлеге
(34753)21571