Диспансеризация чирләрне иртә ачыкларга булыша

Диспансеризация-ул үз сәламәтлегеңнең торышын тикшерүнең гади, нәтиҗәле ысулы һәм тайпылышлар ачыкланганда аларны вакытында бетерү чараларын күрү. Аны аңлап Янактай авылы халкы врач килгәндә профилактик эшкә актив кушылды.

26 гыйнварда участок терапевты Фазылбакова Альбина Булат кызы Янактай авылында халыкны кабул итте. Участок терапевты тарафыннан 30 пациент кабул ителгән. Кабул итү барышында түбәндәге тикшеренүләр үткәрелде: анкета бирү, кан анализларын алу, ЭКГ яздыру, артериаль басымны үлчәү, буй һәм авырлыкны үлчәү. Планлы рәвештә өстәмә тикшерүләргә авыл халкы язылды. Шулай ук пациентлар белгечләргә неврологка һәм эндокринологка консультацияләргә язылды,2 кеше хастаханәгә озатылды. Табибларның мондый күчмә кабул итүләре авыл җирендә яшәүчеләрнең беренчел медицина ярдәменнән файдалану мөмкинлеген арттыруга ярдәм итә.