Мондый мәгълүмат сәгате бик кирәк

Асавка авыл клубында китапханә һәм фельдшер-акушерлык пункты белән берлектә «Гимнастика һәм сәламәтлек»дигән мәгълүмат сәгате үткәрелде. Катнашучылар сәламәт яшәү рәвеше, Дөрес туклану, чыныгу, файдалы һәм зарарлы гадәтләр, шулай ук гимнастиканың сәламәтлеккә ничек йогынты ясавы турында белделәр. Очрашу азагында берничә гади күнегү күрсәтелде. Яшенә һәм физик әзерлек дәрәҗәсенә карамастан, гимнастикадан һәркем файдалана ала. Күнегүләрне башкару өчен махсус җиһаз кирәкми, бу аны һәркем өчен аңлаешлы итә. Үзегезнең көн тәртибегезгә гимнастика өстәргә кирәк. Чарада катнашучылар күп сорауларына җавап алды. Сәламәтлегегезне кайгыртыгыз!