Республиканың яшь врачлар форумында -безнекеләр

Уфада Башкортстан Сәламәтлек саклау Министрлыгының яшьләр Советы тарафыннан республика Сәламәтлек саклау министрлыгы һәм сәламәтлек саклау хезмәткәрләре профсоюзы ярдәмендә оештырылган «коллегалар» Башкортстан Республикасы дәүләт сәламәтлек саклау системасы табибларының беренче республика форумы узды. Форумда республиканың барлык медицина округларыннан 35 яшькә кадәрге яшь табиблар җыелды. Социаль челтәрләр алып бару, проект менеджменты, конфликтлар белән эшләү һәм медицина коммуникацияләре төзү кебек төрле темаларга лекцияләр, мастер-класслар һәм тренинглар үткәрелде. Шулай ук табибларның "эштә бик нык аруы"н профилактикалау һәм юридик грамоталылык мәсьәләләре дә каралды. Һәр округ Сәламәтлек саклау министрлыгы,  Профсоюз каршында төбәкнең сәламәтлек саклавын яхшыртуга юнәлдерелгән үз проектларын тәкъдим итте һәм яклады. Бөре округыннан врач С.М. Суфиянова кергән команда «Цифрлы медицинага старт»проекты белән икенче урынны алды. Конкурста җиңүчеләр санына керү олы мәртәбә. Яшь табибларга яңа кызыклы проектлар булдыру һәм алга җибәрү өчен энергия һәм сәләт телисе килә.