Омикрон-штаммы симптомнарын беләсезме, балтачлылар?

Роспотребнадзор коронавирусның омикрон-штаммы симптомнары турында сөйләгән.

Коронавирусның яңа “омикрон” штаммын йоктырган кешеләр арыганлык һәм хәлсезлек кичерә — бу аның төп һәм үзенчәлекле симптомы. Моннан тыш, авыруларның температурасы күтәрелә, баш авыртуы, ютәл һәм аппетитның кимүе күзәтелә, дип хәбәр иткән Роспотребнадзор Мәскәү эпидемиология һәм микробиология фәнни-тикшеренү институты директорының клиник эш буенча урынбасары Татьяна Руженцова.

«Әлеге вакытта авыруның агымын анализлау буенча шуны әйтергә була: беренче чиратта, күпчелек авыруларның көчсезлеге яки арыганлыгы, тән температурасының 38 градуска кадәр күтәрелүе һәм югарырак, баш авырту, аппетитның кимүе, ютәл күзәтелә», — дигән Руженцова «РИА Новости» хәбәрчесенә.

COVID-19 өчен типик симптомнар-мәсәлән, үпкәләрнең зарарлануы, шулай ук омикрон-штамм авыруы булганда күзәтелә, дип өстәгән ул.

Россия, шулай ук Британия табиблары балаларда «омикрона» симптомының үзенчәлекле симптомы — тәннәрендә тимгел барлыкка килүе турында сөйләгәннәр. В.А. Энгельгардт исемендәге молекуляр биология институтының күзәнәкләрне пролиферацияләү лабораториясе мөдире Петр Чумаков белдергәнчә, хәзерге вакытта яңа штамм сәламәтлек өчен зур куркыныч тудырмый, бары тик тиз йога. Аның сүзләренә караганда, шуның аркасында ул «тере вакцина» булып һәм «дельта»ның патоген вариантын кысрыклап, файдага хезмәт итә ала.

Аида Хәйртдинова фотосы