Краснодар крае курортларында ял итүчеләрне коронавируска тикшерәчәкләр

Башкортстанда Русиянең көньяк курортларыннан килгән барлык кешеләр аэропортларга, авто - һәм тимер юл вокзалларына, шулай ук автомобильдә сәяхәт итүчеләр өчен өйләренә барып, коронавируска тест ясаячаклар.

Добавить в предпочтительные источники Google

Башкортстанда Русиянең көньяк курортларыннан килгән барлык кешеләр аэропортларга, авто - һәм тимер юл вокзалларына, шулай ук автомобильдә сәяхәт итүчеләр өчен өйләренә барып, коронавируска тест ясаячаклар. Бу карар 28 июльдә БРда коронавирус йогышы таралуны булдырмау буенча оператив штаб утырышында кабул ителде, аны республика башлыгы Радий Хәбиров үткәрде.

Хәзер барлык курортларда да ял итүчеләр күп, социаль дистанция үтәлми, кешеләр битлек киеп йөрми – бу инфекциянең таралуына ярдәм итә, дип билгеләп үтелде штаб утырышында. Шулай ук Русиянең көньяк-көнчыгышындагы кайбер шәһәрләрендә һәм районнарында коронавирус йогышы чыганаклары бар. Аерым алганда, Краснодар крае (Сочи, Адлер, Анапа һ.б.), Кырым (Ялта, Алушта, Евпатория һ. б.) курортларында ял итүчеләрне тикшерәчәкләр.

Оператив Штаб быел Башкортстанның барлык халкына курортларга барудан тыелырга киңәш итә, чөнки коронавирус инфекциясе таралу куркынычы саклана, ә курортларда ул арткан.

Чыганак

Читайте нас