Ильзида Әхмәдиева: “Үземне геройга тиңләмим”

Бүген ак халатлыларны геройга тиңлиләр, алар адресына күп рәхмәт сүзләре юллыйлар. #коронавирус#здоровье#медики-герои

Добавить в предпочтительные источники Google

Бүген ак халатлыларны геройга тиңлиләр, алар адресына күп рәхмәт сүзләре юллыйлар.

Кешелеккә куркыныч янаган йогышлы коронавиурс таралуны чикләү йөзеннән алгы сызыкта эшләде һәм эшли алар.

Иске Балтач авылы кызы, Балтач үзәк район хастаханәсендә җиденче ел участок терапевты булып эшләгән Ильзида Әхмәдиевага май аенда нәкъ шушы контингент белән эшләргә туры килгән.

—Беренче чиратта үзеңне түгел, авыруны уйлыйсың, синең ярдәмеңә мохтаҗ кешегә ярдәмгә ашыгасың. Пациентлар үзләре саулыкларына аңлы карашта булдылар, кушкан күрсәтмәләрне төгәл үтәделәр. Ә безне, белгечләрне, шәхси саклану чаралары (киемнәре) белән тәэмин иттеләр. Шуңа күрә эшләве катлаулы яки хәвефле булды дип әйтә алмыйм. Гомумән, үземне геройга тиңләмим. Мин бары бурычымны гына үтәдем, — ди Ильзида Флүр кызы.

Җаваплылык зур ак халатлыларга. Пациентларның хәл-торышына карап ике, өч тапкыр анализлар алырга, тикшерүгә юлларга туры килә. Кирәк очракта гомуми анализлар, биохимия анализлары эшләнә, ЭКГ яздырыла. Телефон аша да, махсус бригада составында өйләренә барып та хәлләрен белеп торырга туры килә.

Белгеч әйтүенчә, нигездә, бу мәкерле авыруны йоктырган кешеләрнең күпчелеге савыканнар һәм бүгенге көндә эшләп йөриләр, якыннарын сөендереп яшиләр. Очрашып күрешкәндә, елмаеп: “Рәхмәт сезгә, ак халатлылар!” — дип кабатлыйлар.

Автор фотосы

Читайте нас