Башкортстанда гомуми кулланылыштагы урыннарны санитар эшкәртү дәвам итә

Республиканың муниципаль районнарында һәм шәһәр округларында йорт яны территорияләрен һәм подъездларны, урамнарны, кварталара юлларны һәм тротуарларны дезинфекцияләү дәвам итә. Муниципалитет вәкилләре көн саен Уфага киләләр, анда «Башфармация» ДУП складларында ранец тараткычлар, шәхси саклану чаралары һәм дезинфекция чаралары тарату оештырылган. Бу эш май-июнь айларында даими үткәреләчәк. Күп фатирлы йортларда гомуми милекне санитар эшкәртүгә акча Башкортстан Республикасы бюджетыннан коронавирус йогышы таралуны туктату максатыннан торак йортларга хезмәт күрсәтү белән шөгыльләнүче идарәче компанияләргә һәм оешмаларга ярдәм сыйфатында бүлеп бирелгән.Башкортстан Республикасында барлыгы 49 меңгә якын подъезд дезинфекцияләнергә тиеш. Подъездлар атнага 2 тапкыр эшкәртелергә тиеш. Идәннәр, керү ишекләре, ишек һәм тәрәзә тоткалары, почта тартмалары, тәрәзәләр, домофон һәм код йозаклары, лифтлар белән идарә итү панельләре, чүп-чар үткәргеч клапаннары эшкәртелә. Мондый рекомендациялер БР ТКХ министрлыгы тарафыннан эшләнгән һәм барлык муниципаль берәмлекләргә җибәрелгән «купфатирлы йортларда гомум кулланылыштагы урыннарны дезинфекцияле эшкәртүне оештыру буенча "регламент" да бар.