„Сакчыл поликлиника” балтачлыларга күп уңайлыкларга юл ача

Үзәк район дәваханәсендә 2018 елдан „Сакчыл регистратура” дигән яңа пилот проекты тормышка ашырыла башлады.

Үзәк район дәваханәсендә 2018 елдан „Сакчыл регистратура” дигән яңа пилот проекты тормышка ашырыла башлады.

Аның асылы — дәвалау-профилактикалау учреждениесе эшчәнлегенең нәтиҗәлелеген күтәрү һәм медицина ярдәмен һәр кеше файдалана алырлык итү, регистратура эшенең эш принципын үзгәртү.

Илнең күп төбәкләрендә гамәлгә кертелгән яңа проект, әйткәнемчә, Балтачка да килеп җитте. Балтач үзәк район дәваханәсе холлында заманча җиһазлар урнаштырылган, сәламәтлек мөмкинлекләре чикләнгән кешеләр өчен уңайлы мохит булдырылган.

Биредә табибларга язылуны медрегистраторлар (шәфкать туташлары) Зөбәйдә Шәмсетдинова һәм Гөлназ Хәйруллина алып бара.

—Полис буенча терминал (инфомат) ярдәмендә дә барлык белгечләргә язылып була, — ди өлкән шәфкать туташы Әлфия Мөгаллимова.

Белгечләр әйтүенчә, яңа проектны гамәлгә кертү регистратурада, табиблар кабинетына чират көтүне кыскартуга китергән.

Аида ХӘЙРТДИНОВА.