Башкортстанда Конституциягә төзәтмәләр буенча өч телдә тавыш бирәчәкләр

Башкортстанда Конституциягә төзәтмәләр буенча тавыш бирү өчен 3,047 млн бюллетень, шул исәптән сайлау бюллетеньнәрен эшкәртү комплексларыннан файдаланып, 362 850 бюллетень бастырылачак. “Белая елга” нәшриятына заказ бирелгән. Бу төбәктә Русия Хөкүмәте билгеләгән бердәнбер подрядчы. Заказны урнаштыру турындагы карар БР Үзәк сайлау комиссиясендә басылып чыккан.

Башкортстанда Конституциягә төзәтмәләр буенча тавыш бирү өчен 3,047 млн бюллетень, шул исәптән сайлау бюллетеньнәрен эшкәртү комплексларыннан файдаланып, 362 850 бюллетень бастырылачак. “Белая елга” нәшриятына заказ бирелгән. Бу төбәктә Русия Хөкүмәте билгеләгән бердәнбер подрядчы. Заказны урнаштыру турындагы карар БР Үзәк сайлау комиссиясендә басылып чыккан.

Бюллетеньнәр саны сайлаучылар исемлеге нигезендә исәпләнә. 2020 елның 1 гыйнварына алынган мәгълүматларга караганда, Башкортстанга 3,047 млн кеше кертелгән.

«Бюллетеньнәр өч телдә: рус (2, 463 млн), башкорт (390 650) һәм татар (193 900) телләрендә әзерләнәчәк. Тавыш бирү өчен бланклар 2020 елның 8 июненнән дә соңга калмый әзерләнергә тиеш", - дип аңлаткан БР Үзәк сайлау комиссиясе иҗтимагый элемтәләр һәм мәгълүмат бүлеге мөдире Ришат Локманов.

Башкортстанга Конституциягә төзәтмәләр буенча гомумрусия тавыш бирүләрен әзерләү һәм үткәрү өчен 457,28 млн сум бүленгән. Әлеге сумманың зур өлеше (373,28 млн сум) өстәмә хезмәткә түләүгә (бүләкләү) тотылачак. Өстәвенә, республиканың сайлау комиссияләренә 395,96 млн. сум акча күчереләчәк, шул исәптән хезмәт өчен – 333,25 млн. сум.

Республика иң зур суммаларның берсен алган. Күбрәк акча Мәскәүгә (603,87 млн) һәм Мәскәү өлкәсенә (532,74 млн) бүлеп бирелгән.

Башкортстанда сайлауларны оештыручылар әле язын ук сайлау участокларының санын билгеләде. Тавыш бирү өчен барлыгы 3434 бина җәлеп ителәчәк, шуларның 39ы – сайлаучыларның вакытлыча урнашу урыннарында.

https://ufa.rbc.ru/ufa/05/06/2020/5ed9dbb69a7947f9bec08533?from=regional_newsfeed

Читайте нас

Редакцияне сайлау