Владимир Путин Русия һәм Белоруссия төбәкләренең 6нчы форумында катнашты

Русия һәм Белоруссия төбәкләренең 6нчы форумында ике илнең президентлары Владимир Путин һәм Александр Лукашенко катнашты. Төбәкара бәйләнешләрнең ике ил халкы өчен бердәм мәдәни һәм гуманитар мохитен формалаштыруда нигез булуына багышланган быелгы форум.

Русия һәм Белоруссия төбәкләренең 6нчы форумында ике илнең президентлары Владимир Путин һәм Александр Лукашенко катнашты. Төбәкара бәйләнешләрнең ике ил халкы өчен бердәм мәдәни һәм гуманитар мохитен формалаштыруда нигез булуына багышланган быелгы форум.

Форумга Русиянең 70 субъекты һәм Белоруссиянең барлык төбәкләре вәкилләре дә чакырылган. Ике дәүләттән меңнән артык кеше, зыялылар, җәмәгать эшлеклеләре, фән, мәдәният һәм мәгариф хезмәткәрләре катнашкан. Шулай ук парламентларның югары палаталарының рәсми делегацияләре килгән.

Форум чаралары Санкт-Петербургта 16 –18 июльдә үтте. Былтыргысы исә – Могилёвта, тәүгесе 2014 елда Минскта узган иде.
Русия Федерациясе Федераль җыелышының Федерация Советы рәисе Валентина Матвиенко үз чыгышында әйтүенчә, форум кысаларында 60 тан артык килешү имзаланган, башка документлар кабул ителгән. Очрашулар, эшлекле сөйләшүләр булган. Таврида сараенда һәм аның тирәсендә өч көн буе актив эш һәм тормыш кайнаган.
Бүгенге көндә ике ил арасында сәүдә әйләнеше 2335 миллион доллар тәшкил итә.
Санкт-Петербург белән Минск арасында югары тизлектәге тимер юл төзү турындагы глобаль мегапроект турында да сүз алып барылган.

#ВладимирПутин

Фото Интернет челтәреннән

Читайте нас