Балтач таңнары
-13 °С
Болытлы
Барлык яңалыклар
Сәясәт
9 сентябрь 2018, 11:10

Балтач сайлаучылары сайлауда актив тавыш бирә

Башкортстан Республикасының алтынчы чакырылыш Дәүләт Җыелышы — Корылтайга депутатлар сайлау Балтачта сайлаучыларның активлыгы белән башланды.

Башкортстан Республикасының алтынчы чакырылыш Дәүләт Җыелышы — Корылтайга депутатлар сайлау Балтачта сайлаучыларның активлыгы белән башланды.
Иртәнге 8 сәгатьтә барлык участок сайлау комиссияләре эш башлады. Иске Балтач авылының “Миләшкәй” балалар бакчасында урнашкан 1135 санлы участок сайлау комиссиясендә иртәнге сәгать белән унбиш сайлаучы участокта эш башлануын көтә иде инде.
Тәүгеләрдән булып биредә 1 санлы Иске Балтач урта мәктәбе укытучысы Зифа Шәймөхәмәтова тавыш бирде һәм бүләк алды.
—Безнең участокта 18 яшьләре тулган 11 кеше башлап сайлаячак, 5 кешене өйләренә барып сайлатачакбыз, — ди участок сайлау комиссиясе рәисе Гөлнур Аскарова. — Комиссия әгъзалары төштән соң үзаллы йөри алмаган сайлаучыларны тавыш бирдерергә өйләргә чыгачак.