Дәүләт Думасы депутаты Илдар Бикбаев балтачлылар белән очрашты

Дәүләт Думасы депутаты Илдар Зиннур улы Бикбаев узган ялда районның дүрт авыл җирлегендә яшәгән халык белән очрашты.

Дәүләт Думасы депутаты Илдар Зиннур улы Бикбаев узган ялда районның дүрт авыл җирлегендә яшәгән халык белән очрашты.

Депутатның Балтач районындагы җәмәгать башлангычындагы ядәмчесе Салих Имаев белдерүенчә, Илдар Бикбаев ел саен һәр авыл җирлегендә яшәүче сайлаучылар белән очрашырга вәгъдә биргән. Вәгъдәсенә тугърылык саклап, узган якшәмбедә Дәүләт Думасы депутаты Нөркә, Иске Балтач, Тушкыр, Штәнде авыл җирлекләрендә булып, урындагы халык белән очрашты.

Төрле яшьтәге 24 кеше Илдар Зиннур улына үзләрен борчыган сораулар белән мөрәҗәгать итте.

Депутат һәр мөрәҗәгатьне өйрәнеп, тиешле ведомстволар белән эшкәртеп, алар буенча язма рәвештә җавап бирәчәк.

Депутат 28 май көнне — Түбән Карыш, Көнтүгеш, Иске Янбай, Ялангач;

29 июньдә — Сәйтәк, Түбән Сикияз;

30 июньдә — Тучыбай, Шәвьяды;

10 июльдә Богдан, Югары Янактай, Көндәшле авыл җирлекләрендә яшәүче халык белән очрашачак.

Читайте нас