Владимир Путин коммерцияга карамаган оешмаларга ярдәмгә 8 миллиард сум бүлү турындагы боерыкка кул куйды

Документка ярашлы, Президент грантлары фондына 2018 елда ике конкурс үткәрергә кушылган. Аларда коммерциягә карамаган оешмалар арасында 8 миллиард сум бүленәчәк. Оешмаларга бу чараларны социаль мөһим проектларны һәм кеше хокукларын һәм азатлыгын яклау өлкәсендәге программаларны тормышка ашыруга юнәлтергә кирәк булачак.

Узган ел белән чагыштырганда сумма бер миллиард сумга арткан. Шулай ук боерыкта «Мәдәният һәм сәнгать өлкәсендә яшь талантларны ачыклау һәм аларга ярдәм итү» дигән яңа юнәлеш өстәлгән.

«Конкурста катнашуга гаризаларга таләпләр яңа юнәлеш буенча тәкъдим ителгән проектлардан тыш үзгәрмәгән. Алар өчен конкурс турындагы положение белән өстәмә таләпләр билгеләнгән. Асылында исә, яңа юнәлеш чикләрендә «конкурслар конкурсы» – яшь талантларны ачыкларга мөмкинлек биргән илдә иң яхшы иҗади конкурсларны һәм фестивальләрне сайлау һәм аларга ярдәм итү үткәреләчәк. Шул ук вакытта аларда җиңүчеләр һәм лауреатлар Координация советы белән билгеләнгән процедураларга ярашлы президенттан туры финанс ярдәм алуга дәгъва итә ала», — тип сөйләделәр Президент грантлары фондында.