Иске Дүртекәй — Иске Кизгән авыллары арасындагы юл йөрерлек хәлгә китерелә

Сәйтәк авыл җирлегенә караган Иске һәм Яңа Дүртекәй авыллары арасы, Яңа Дүртекәйнең авыл эче комташ түшәп ныгытыла. Бу эш районның юл төзү һәм ремонтлау идарәсе эшчәннәре көче белән башкарыла.

Сәйтәк авыл җирлегенә караган Иске һәм Яңа Дүртекәй авыллары арасы, Яңа Дүртекәйнең авыл эче комташ түшәп ныгытыла. Бу эш районның юл төзү һәм ремонтлау идарәсе эшчәннәре көче белән башкарыла.

Иртәнге сигез сәгатьтән кичке егерме сәгатькә кадәр идарәнең куәтле КамАЗлары комташ ташый, грейдерчы Азиф Вәлиәхмәтов бушатылган материалны тигезләп таратып тора.

—Иске Дүртекәй — Иске Кизгән юлының 4 километр 200 метр арасы ремонтлана. Безнең бурыч — комташ салып юлны ныгыту. Урындагы әһәмияттәге юлларны тотуга бүленгән акчалар исәбенә эшләнә ул. Һава шартлары тотрыклы торса, берничә көннән төгәлләргә исәп тотабыз, — ди идарәнең баш инженеры Рамил Гыйльмияров.

Юлсызлык бәласе бу төбәктә яшәүче халыкның да чын мәгънәсендә үзәгенә үткән. Язгы-көзге чорда йөри алмаслык хәлгә килеп уңайсызлыклар тудыра.

—Сәйтәк белән Яңа Дүртекәй авыллары арасы эшләнүен дә халык түземсезлек белән көтә, — ди авыл җирлеге башлыгы Эльза Фаюршина.

Юл ремонты эшен идарә мастеры Дамир Хәмәтнуров контрольдә тота.

Автор фотолары.