Богдан авыл җирлегендә Яңа елны каршыларга җитди әзерләнәләр

Богдан авыл җирлеге аппараты эшчәннәре дә матур эшкә шатланып кушылдылар. Җирлекнең административ бинасы каршында санаулы көннәр эчендә кардан ясалган сыннар пәйда булды. Ел символы Сары дуңгыз, әкият геройларын һәм күренешләрен гәүдәләндергән фигуралар килеп кунаклап, халыкны ерактан “сәламләп” торалар.

—Кар шәһәрчеге авыл халкының культурасын күтәрүгә дә бер адым ул. Кичке сәгатьләрдә яшьләр дә, өлкәннәр дә гаиләләре белән чыгып, авылдашларының күңел җылысын кушып сынландырылган кышкы бизәкләр, җем-җем балкыган утлар фонында истәлеккә фотога төшәләр, бер-берсе белән аралашалар, — ди авыл җирлегенең эшләр башкаручысы Фирүзә Абдулхакова.