Балтачта яшь гаиләләр, бала туу белән бәйле, социаль түләүләр алды

Балтачта торак төзелеше яки торак шартларын яхшырту өчен кредит алган яки ипотека рәсмиләштергән яшь алты гаилә, бала туу белән бәйле, кичә социаль түләүләр алды.

Добавить в предпочтительные источники Google

Торак төзелеше яки торак шартларын яхшырту өчен кредит алган яки ипотека рәсмиләштергән гаиләләр бала туган очракта социаль түләүләр алуга хокуклы.

Кичәге иртә райондагы алты яшь гаиләгә сөенеч китерде. Район Хакимияте башлыгы эш бүлмәсендә, социаль түләүләр алуга дәгъва иткән гаилә әгъзаларына өстәмә социаль түләүләр алуга хокук биргән документ тантаналы шартларда тапшырылды.

Район Хакимияте башлыгы Илгиз Субушев райондашларыбызныњ шатлыклы мизгелләрен уртаклашып, аларга өстәмә социаль түләүләр алу хокукын биргән документлар тапшырды.

—Яшьләр булса районыбыз яшәячәк. Демографик хәлне яхшыртуыгыз мактауга лаек. Әлеге матди ярдәм игелеккә, файдага булсын. Балалар ђитеш тормышта үссен,—дип яшьләрне тәбрикләде.

Бу көнне Светлана һәм Юнир Шәмсетдиновлар, Лилия һәм Рудик Әхмәдишиннар, Ирина һәм Альмир Шәриповлар, Лилия һәм Рөстәм Сафиннар, Индира һәм Илдар Әхтәриевлар, Эльвина һәм Илнур Хәйруллиннар мондый матди ярдәмне алу хокукына ирештеләр.