Иске Тушкырда яшәүче өлкән кешеләр яшьләрдән җитез әле

Халыкара өлкән буын вәкилләре көне алдыннан Иске Тушкыр авылында Сәламәтлек көне оештырганнар.

Добавить в предпочтительные источники Google

Авылда узган “Сәламәтлек көне”ндә ачык күренгән бу.

Халыкара өлкән буын вәкилләре көне алдыннан Иске Тушкыр авылында "Сәламәтлек көне" оештырганнар. Мәдәния йортының мәдәни чаралар оештыручысы Наил Мөхәмәтҗанов, китапханәче Венера Хәмәтнуровалар инициативасын өлкәнннәр, хуплап каршы алган.

Көзге матур көн. Хозур табигать. Күңел табигать кочагынап тартыла.

“Сәламәтлек көне”ндә өлкәннәр өчен төрле уеннар оештырылган. Хәтта көч һәм җитезлекне сынау мөмкинлеге дә булдырганнар. Араларында бухгалтер, сатучы, укытучы булып эшләп, хаклы ялга туктаган пенсионерлар бар. Иң өлкәне— Сөгъдә Вәлиева. Аңа 83 яшь. Ул колхозда көч салган.

Саф һавада кызыклы уеннардан соң “Сәламәтлек көне” чәй табыны артында дәвыам иткән.Кызыклы хәлләр, мәзәкләр сөйләп, рәхәтләнеп көлешеп, күңел ачып кайтканнар авылның өлкән буын вәкилләре.

Иске Тушкырның актив тормышны үз иткән өлкән буын вәкилләре башкаларны пассив булмаска чакыра.