Балтач таңнары
-22 °С
Болытлы
Барлык яңалыклар
Район сулышы
7 сентябрь 2018, 11:32

“Агропродукт” җәмгыяте эшчәннәре Имән авылының бер урамын ремонтлады

Чикләнгән җаваплылыктагы “Агропродукт” җәмгыяте (директоры Марат Хәйруллин) Нөркә авыл җирлегендә күп объектларны эшләүдә һәм ремонтлауда катнашты һәм катнаша.

Чикләнгән җаваплылыктагы “Агропродукт” җәмгыяте (директоры Марат Хәйруллин) Нөркә авыл җирлегендә күп объектларны эшләүдә һәм ремонтлауда катнашты һәм катнаша.
Агымдагы җәйдә Имән авылының Мәктәп урамын ремонтлау бурычы тора иде. Бу эшкә дә эшкуарның улы Ринат Хәйруллин җитәкчелегендәге бригада ир-егетләрен һәм техникасын җәлеп иттек. Бишенче сентябрь көнне эш башладылар. Ринат Марат улы һәм анын командасы эшне кызу тотты. Имән авылының Мәктәп урамына агымдагы ремонт эшләнде, юл аша су агу очен торба салынды.
—Авыл җирлеге, халык исеменнән уңганнарга зур рәхмәтебезне җиткерәбез. Кайчан нинди мәсьәлә белән мөрәҗәгать итсәк тә, сораганыбызны кире какмыйлар, ярдәм кулы сузалар. Эшләре уң булсын,—ди Нөркә авыл җирлеге башлыгы Флидә Гыйндуллина.