Балтач таңнары
-13 °С
Болытлы
Барлык яңалыклар
Район сулышы
27 август 2018, 13:56

Югары Янактай авылында күпер булачак!

Гәзитебез сайтының ВКонтактедагы төркемендә катнашучыларның активлыгы көннән-көн күтәрелә. Без моңа, әлбәттә, бик шат.

Гәзитебез сайтының ВКонтактедагы төркемендә катнашучыларның активлыгы көннән-көн күтәрелә. Без моңа, әлбәттә, бик шат.
Бүген төркемдәшебез Лиана Фәрхетдинова Югары Янактай авылындагы Карыш елгасы аша җимерек хәлдәге күпер фотосын төшереп җибәргән.
“Балтач таңнары” гәзитенең 21 августта дөнья күргән 67нче санында район Хакимияте башлыгының төзелеш, иктисад, яшәешне тәэмин итү буенча урынбасары Шамил Әхмәдуллинның интервьюсында бу күпергә кагылышлы җавап бар.
Әлеге проблема буенча бүген янә Шамил Мөккамил улы белән бәйләнешкә чыктык һәм түбәндәге җавапны алдык:
—Югары Янактай авылындагы Карыш елгасы аша күпер ремонты буенча эш бара. “Торги” үтте, акча бүленде. Күпер булачак.