Балтач "Коммуналь хуҗалыгы"нда үзгәртеп кору эшләре бара

Балтач "Коммуналь хуҗалыгы" котельнаясында демонтаждан соң бер ай үтүгә төтен чыгару торбасының яңасын урнаштырдылар

Моннан бер ай элек Балтач "Коммуналь хуҗалыгы"нда Нефтекама шәһәренең Салават Гарифуллин җитәкчелегендәге „ПрогрЭС” җәмгяте эшчеләре үзгәртеп кору эшләрен башлап җибәрүе турында бәян иткән идек.

Объектта биш миллион сумлык үзгәртеп кору эшләре үткәрү бурычы тора. Тузган торбаны демонтажлап, яңасының нигезен корганнан соң "Коммуналь хуҗалык" котельнаясында кичә төтен чыгаргыч яңа торба урнаштырылды.

Ул ерактан ук күренеп тора. Торба кызыл-ак төсләргә буялган. Мең миллиметр диаметрдагы торба 33 метр биеклектә. 40 метр озынлыктагы „ук” белән җиһазландырылган кран ярдәмендә күтәреп урнаштырдылар.

“ПрогрЭС” җәмгыяте хезмәткәрләре котельнаяның ике берәмлек җылыту казанын да алыштырачак.

Читайте нас

Редакцияне сайлау