Балтачта бу атна шимбәсеннән экологик өмәләр старт ала

7 апрельдән 12 майга кадәр район территориясендәге авылларда һәм район үзәгендә чистарту, төзекләндерү һәм яшелләндерү өмәләре үткәреләчәк.

Халык яшәгән урыннарныњсанитария-экология торышын яхшырту максатыннан республика Хөкүмәте экологик өмәләр үткәрү турындагы боерык чыгарды.

Боерыкка ярашлы, 7 апрельдән 12 майга кадәр район территориясендәге авылларда һәм район үзәгендә чистарту, төзекләндерү һәм яшелләндерү өмәләре үткәреләчәк.

Бу чараны оештыру һәм үткәрү йөзеннән оештыру комитеты расланды.

Оештыру комитетына, авыл җирлекләре хакимиятләре, барлык милек формасындагы оешмалар белән берлектә эш урыннары, производство биналары, җәмәгать һәм торак йортлар тирәләрен, урамнарны, юл буйларын, учреждение, предприятие, оешмаларга беркетелгән авыллар тирәсендәге территорияләрне тиешле тәртипкә китерүне; парклар, бакчалар, йорт яны территорияләрен, мәгариф, саулык саклау, мәдәни, физкультура һәм спорт объектлары тирәләрен яшелләндерүне тәэмин итү йкләтелә.

Бу көннәрдә сәламәт яшәү рәвешенә, экология культурасын булдыруга багышланган массакүләм чаралар үткәрү дә карала.

Чарага 18 май көнне йомгак ясалачак.