«Романтик» клубы волонтерлары «Интернетсыз бер көн” акциясе оештырды

Бүген Иске Балтачта “Интернетсыз бер көн” акциясендә катнашкан волонтерлар урамда очраган кешеләргә Интернетта утыруның чамасын белергә кирәклеге турында искәртелгән буклетлар тараттылар.

Акциянең максаты кешеләрне бер көнгә булса да интернеттан, компьютерлардан аерып, “чынбарлык тормыш”та яшәргә, бер көн вакытны кешеләр белән җанлы аралашуга, яраткан шөгельгә багышларга өндәүдән гыйбарәт.

Хәер, бүгенге тормышта Интернетсыз булмый. Аның белән күп тармаклар эшчәнлеге бәйле. Ләкин шул ук вакытта, бер файдасызга вакытын бушка әрәм итеп, көне-төне интернетта утыручылар да бар бит. Мондый бәйлелек сәламәтлек өчен файдага түгел. Соңгы вакытта медицинада “кибераддикция”, “сетеголизм”, “инфомания”, “социаль изоляция” кебек авырулар барлыкка килде.

Бүген Иске Балтачта “Интернетсыз бер көн” акциясендә катнашкан волонтерлар урамда очраган кешеләргә Интернетта утыруның чамасын белергә кирәклеге турында искәртелгән буклетлар тараттылар.