Мөһим теманы белү өчен

Иске Балтач  2 нче урта мәктәбендә Әтиләр көненә багышланган сыйныф сәгатьләре, шулай ук «Мөһим нәрсәләр турында сөйләшүләр»Гомумрусия циклы кысаларында бу темага дәрестән тыш дәресләр үткәрелде. Тематик тәнәфесләрдә, сыйныф сәгатьләрендә укучылар үзләренең әтиләре турында сөйләделәр, рәсем ясадылар, төрле видеороликлар һәм мультфильмнар карадылар. 18 октябрь көнне мәктәп укучылары әти-әниләре белән район мәдәният сараенда оештырылган нәфис фильм карарга йөрделәр. Кайбер сыйныфлар үз әтиләре, гаиләсе турында бик кызыклы видеороликлар ясады.

Гөлгенә Мусина.