"Яхшы подписка" акциясе буенча басма матбугатка язды

"Дуслар, 2023 елның 2 яртыеллыгына язылу кампаниясе дәвам итә!

Технология һәм Интернет безнең тормышыбызга ничек кенә кермәсен, басма матбугат үз әһәмиятен һәм өстенлекләрен саклый. Алар безнең өчен ышанычлы яңалык чыганагы, тикшерелгән мәгълүматка юл күрсәтүчеләр булып калалар. Бу юлы, үземә гәзит һәм журналларга язылганда, мин «Яхшы подписка» акциясенә кушылдым. «Балтач таннары» гәзитенә һәм «Непоседа» балалар журналына әлеге вакытта махсус хәрби операциядә катнашкан ике якташымның гаиләсенә бүләккә язылдым. #Яхшыподписка безнең яклаучыларыбызның йортларына бары тик яхшы хәбәр генә алып килсен!"—дип район Хакимияте башлыгы И.Субушев социаль челтәрләрендәге үз профилендә язган.

Илгиз Әхвәс улы кебек үк Сез дә #Яхшыподписка акциясенә кушылыгыз. Язылу кампаниясенең санаулы көннәре генә калды. Гәзитне алган кеше рухи азыкны үз итә.