Матбугатта озак еллар лаеклы хезмәт салган өчен

Илүсә Мортазина дүрт дистә ел "Балтач таңнары" гәзитендә корректор булып эшли. Бу вакыйга  урындагы матбугат тарихына керде. Башкортстан Республикасының Матбугат һәм киң мәгълүмат чаралары агентлыгы Почёт грамотасын  гәзитнең директоры (баш редакторы) Рөстәм Вәлиев тапшырды. "Башкортстан Республикасы "Республика Башкортостан"нәшрият йорты филиалы— Балтач мәгълүмат үзәге "Балтач таңнары" гәзитенең корректоры Илүсә Таһирҗан кызы Мортазина озак еллар намуслы хезмәте  һәм югары һөнәри осталыгы өчен бүләкләнә",— дип язылган анда.

Һәркем тормышының бихисап өлешен эшендә үткәрә. Эшен яратып башкарган кеше моны тоймый да. Хезмәттәшебезгә ныклы сәламәтлек һәм уңышлар телибез.