“Балтач таңнары” гәзитен алдыручылар арасында “Атна саен бүләк” уенының соңгы бүләкләре Янтимер һәм Көнтүгеш авылларына юлланды

Алдагы яртыеллыкка “Балтач таңнары” гәзитенә язылган абунәчеләр арасында оештырылган “Атна саен бүләк” уены тәмамланды.

Әмма борчылырга урын юк абунәчеләребезгә. Уен артабан да дәвам итәчәк. Аның шарты катлаулы түгел. “Балтач таңнары” гәзитенә алдагы яртыеллыкка язылырга яки еллык подписка рәсмилштерергә һәм квитанция күчермәсен редакциягә юлларга гына кирәк.

Быелгы уенда катнашкан абунәчеләр арасында утыздан артык бүләк уйнатылды һәм соңгы бүләкләр, әйткәнемчә, Янтимер, Көнтүгеш авылларындагы тугры дусларыбызга чыкты.

Миннигарей Минисламов (рәсемдә) — Янтимер авылыннан. Гомере буе колхозда механизатор булып эшләгән, гәзитне гомере буе алдырган, әле дә аннан аерылырга исәбе юк.